黑盒應該裝在何處？

黑盒應該裝在何處？　憤怒鳥

話說最近學校課室門口都多左好多黑盒，一問之下，方知是保安門禁之用，學生上課不用拍卡，而是教授上課前要「打卡」。我當堂打左個突，然後得啖笑，大佬呀，講大話都講得好小小啦，全嶺南最需要打卡的人都係嶺南三大邪惡組織返工，同我講佢地返工唔洗打卡？教授去上堂就要打卡？用幾百萬裝埋啲打卡機？真係憤怒了。

話說有一次我去黃＿的_MIP拎小小野，去之前我已經好醒咁去學校網站睇下_MIP幾時完午飯時間，你知啦，阻人食飯，尢如殺人全家。佢話一點半辦公，我一點半上去，實無死啦。一上去到，入面開住燈，門口鎖左一個人都冇，我即刻走番出去睇下有冇入錯校長室，一睇，又冇錯丫！我於是等呀等，等下等下等左五分鐘都冇人返，心中除左粗口都冇乜野好講，就走左去轉個頭先返。如是者又過左十分鐘，我又上去，門口個牌終於變左OPEN啦！我滿心歡喜入去搵人，未推開度門已經有啲寒氣浸出黎，入到去有個職員係房入面飄住咁行出黎問我做咩，當堂有Ｄ心寒，我話拎野，點知原來果個負責同事去左食飯仲未返，我一眼掃過去，成個部門得佢一個人，冷氣又開得咁大，唔怪得知咁寒啦。一面睇，我一路心諗：哎，估唔到有房坐的人反而係低級Ｄ要返黎開門，高級Ｄ坐外面的人就可以食晏Ｄ晏，真係難撈喇現在。我個腦仲諗住佢地Ｄ辦公室政治同呢個世界真係唔公平的時候，我決定去做其他野先，過多半個鐘先返黎_MIP拎野，終於先比我拎到。

我絕對唔係要督背脊或者葡萄佢地，我都支持彈性上下班時間，不過唔支持彈性午餐時間，打亂我個行程就唔係咁好啦。或者佢地有苦衷，可能因為好多野做所以遲左放飯，諗住跑去飯堂食三星飯就算，點知跑到永安拗柴，要去睇埋跌打先可以拐拐下行番黎，所以遲左。但你諗下，教授唔黎上堂又唔洗補堂就話皆大歡喜遮，你個行政唔黎做野阻住哂就人見人憎，一個小小部門都可以咁把炮遲幾個字先返，一個人遲幾個字，夾埋一日就遲左一個鐘，一個月夾埋就好似放多左三日假咁。

所以計我話，最好每個學校行政部門都裝個黑盒，紅外線體溫感應器，員工進出要打卡，學生可以登入內聯網查到學校職員有冇遲到早走，出入有冇閂電腦同冷氣，冷氣有冇定死廿五度，最好有網絡記錄CHECK住有冇偷偷地玩FACEBOOK同MSN唔做野，全民監察學校運作，不出一個月，學校的冗員一定無所循形，資源運用一定好過以前。先由學校中央行政機構做起，上行下效，學生自然會養成節約環保之風氣，你話丫咁係唔係咁先做到野，唔系咁點對得住納稅人金錢？

無廁可入？

《無廁可入？》　廁哥

話說上個星期畢業禮，大家高高興興畢業，身穿畢業袍，頭頂四方帽在嶺南拍照留念。不過有些同學頭上除了四方帽外，還隱隱有一陣陰霾，所謂何事？原來千錯萬錯，還是無廁可入的錯。

回來參加畢業禮的同學中，不少也問在學的同學廁所拍卡的問題。就是畢業後學生證失效後，以校友身份回校時會否無廁所可進？又問男同學，畢業禮邀請了異性親友來參加典禮，他們會否無廁可用？其實同學不必多慮，因為跟據ITSC職員的唯物主義說法，「黑盒雖然存在，但並未啟用，所以其實等於拆除了。」即只要一天還沒開啟系統，你也不必擔心無廁可入的問題。

雖說學校部門大派定心丸，不過廁哥因此聯想了很多情況會令人無廁可入。（１）首先，如各位同學的學生證不幸遺失了或失靈了，同學則馬上喪失在學校方便之基本人權！如果更不幸者在晚上發生遺失或失靈，要等十多小時後才可重拾大小二便之權利，情何以堪？更甚之情況，有他人拾獲女同學之學生證，女廁馬上有如永安廣場般任人參觀，如入無人之境。（２）又例如學校、學生會、系會或屬會舉行講座，請來一女性來賓講者，不料主事者清一色為男生，馬上又進入苦無廁入的困境，而目前觀察看來只有請君入殘廁方便作一權宜之計（殘疾人士廁所沒有安裝黑盒）。（３）在大型活動如資訊日、註冊日、校友日等時間，公眾進入一所沒有廁所可用的學校，大學幾百年來的博雅精神搞不好會敗在一個不對外開放的廁所中！（４）在系統啟用後，學校與東亞銀行推出校友信用卡能否進入廁所呢？似乎在現時學校也不可能給我們答案，因為學校的部門有時也如黑盒一樣，雖然存在，但並沒有用，所以等於不存在一樣了。

以上的問題其實也是一個一個無廁可入的擔心引發出來的問題，但我們學校「有關部門」對廁所這個議題有著潔癖，似乎沒有對外與主要使用者學生討論這些問題。試想想外人來到學術自由的大學，想吸收一下自由的空氣，感受一下學術氣息，怎知連去一個自由的廁所也被禁止，實在令人汗顏。

為免有同學說廁哥杞人憂天，話先說在前頭：當你的腸胃如黃河氾濫崩堤前夕，想如大禹治水一樣把奔騰的怒濤洩洪至屯門黃金海岸對出南中國海，廁哥只也能袖手旁觀，無法指點同學應對之道──因為黑盒系統開啟後的廁所，情況直如大禹－－過門而不入也。