安全廁知識

「安全廁知識」廁哥

早前學校裝了大量黑盒，學校代表指因為早年學校發生風化案，一名男子兩次闖進女廁中令女同學受驚，有見及此學校向ＵＧＣ申請基金加強保安，更一拼更新學校課室的門禁系統。本人認為，現時學校保安設置已足，此事實在多餘，各位看倌請看完本文為自行定斷。

昨日，本人因庄務到各宿洗樓，路過女生宿層的廁所，方知風化案原因不是保安設施不足，而是同學保護自己的意識不足。本人發見幾個情況，（一）很多女生層廁所門均沒關上，如用門擋令門沒有完全關上只是虛掩，（二），本人估計是同學用紙塞在門鎖卡位中令密碼鎖失靈，門關上了但實際隨時可進，（三）有些宿生把廁所密碼寫在MEMO紙貼在門上，密碼不＂密＂。

本人住的是全男宿，廁所門口大開，外加鎖位塞進異物，兩重門有等於無，時時洗澡後聽到門外傳來女性聲音，常恐男女有別而生尷尬。本人也曾聽閒以前有清潔工友進出男廁如入無人之境，男性同學多次被看到全相而感尷尬，何也？「安全廁知識」不足可全矣。男生尷尬尚此，女生奈何？宿生為一時之便而令廁所密碼鎖失效，有如貪方便亂過馬路而生意外。試問把密碼鎖換成學生證又有何用？黑盒就算啟用，又怎防止再有風化案發生？

本人愚見，學校應乘三三四學制改革，新增「TOL101：「安全廁知識－－廁所管理及應用」科，教導學生正確使用廁所知識及正確態度，小至大小二便不弄污廁所之技巧、不弄污自己的技巧、沖涼格淤塞之處理、女性衛生巾管理，更可教授入住新宿舍同學清洗廁所之法，最重要的是意識上的教育，如使用廁所的禮儀、使用廁所的安全意識、如何使用門鎖、在廁所遇見突發情況處理（如有人吸煙，有異性在廁所中），如教務處以為學校資源不足開設新課，不妨考慮在NSO中抽一到兩小時講授，加以ILP活動教導同學「安全廁知識」，一方面令同學成為一個博雅教育下的高階使用者，更可因廁所潔淨而減少清潔工友的廁所次數同更數，讓工友們更多時間美化校園，相信一定比花數百萬安裝黑盒經濟！


黑盒應該裝在何處？　憤怒鳥

話說最近學校課室門口都多左妹多黑盒，一問之下，方知是保安門禁之用，學生上課不 用拍卡，而是教授上課前要「打卡」。我當堂打左個突，然後得啖笑，大佬呀，講大話都講得好小小啦，全嶺南最需要打卡的人都係嶺南三大邪惡組織返工，你同我 講佢地唔洗打卡，教授去課室就要打卡？真係憤怒了。

話說有一次我去黃＿ＯＭ＿＿拎小小野，去之前我已經好醒咁去學校 網站睇下ＯＭ＿＿幾時完午飯時間，你知啦，阻人食飯，尢如殺人全家。佢話一點半辦公，我一點半上去，實無死啦。一上去到，入面開住燈，門口鎖左一個人都 冇，我即刻走番出去睇下有冇入錯校長室，一睇，又冇錯丫！我於是等呀等，等下等下等左五分鐘都冇人返，心中除左粗口都冇乜野好講，就走左去轉個頭先返。如 是者又過左十分鐘，我又上去，門口個牌終於變左OPEN啦！我滿心歡喜入去搵人，有個職員係房入面飄住咁行出黎問我做咩，當堂有Ｄ寒，我話拎野，點知原來 果個負責同事去左食飯仲未返，我一眼掃過去，成個部門得佢一個人，冷氣又開得咁大，唔怪得知咁寒啦。一面睇，我一路心諗：哎，估唔到有房坐的人反而係低級 Ｄ要返黎開門，高級Ｄ坐外面的人就可以食晏Ｄ晏，真係難撈喇現在。我個腦仲諗住佢地Ｄ辦公室政治同呢個世界真係唔公平的時候，我決定去做其他野先，過多半 個鐘先返黎ＯＭ＿＿拎野，終於先比我拎到。


我絕對唔係要督背脊或者葡萄佢地，我都支持彈性上 下班時間，不過唔支持彈性午餐時間，打亂我個行程就唔係咁好啦。或者佢地有苦衷，可能因為好多野做所以遲左放飯，諗住跑去飯堂食三星飯就算，點知跑到永安 拗柴，要去睇埋跌打先可以拐拐下行番黎，所以遲左。但你諗下，教授唔黎上堂又唔洗補堂就話皆大歡喜遮，你個行政唔黎返工阻住哂學生就人見人憎，一個小小部 門都可以咁把炮遲幾個字先返，一個人遲幾個字，夾埋一日就遲左一個鐘，一個月夾埋就好似放多左三日假咁，最好每個部門都裝個黑盒，紅外線體溫感應器，員工 進出要打卡，學生可以登入內聯網查到學校職員有冇遲早早走，出入有冇閂電腦同冷氣，冷氣定死有冇廿五度，全民監察學校運作，不出一個月，學校的冗員一定無 所循形資源運用一定好過以前，你話丫，唔系如果咁點對得住納稅人金錢？

口號論

口號論

是咁的，我是一個HALL B宿生。
話說上個星期都係HALLB庄宣傳期，今個星期就係南宿其他HALL宣傳期開始，我對HALL庄宣傳有啲問題同意見想講，歡迎大家一齊討論下。要上庄的同學都應該思考下呢D問題。

第一，叫口號的意義問題

我都曾經上過庄，知道上庄宣傳係乜物資同冇乜預算的情況下，用庄員自己的身體去宣傳例如叫口號係好合理同正常的。但係HALL B的候選HALL庄不斷地叫的口號係HALLB片HALL時用的口號(LI-LI-LING，HOST WE ARE HOSTALB)，請問意義何在呢?話比人知你係HALL B?第一日已經全南宿都知啦!

叫口號唔係同人介紹自己支庄，庄員，政綱，承諾，理念，YEAR PLAN活動，而係講自己係咩HALL!到底想點?冇內容的片HALL口號，你覺得會宣傳到自己支庄嗎?

另外，現庄的人同候選內閣一齊叫口號，真係好齊心。不過現庄有人係宿生會選舉的選委來的，咁樣幫候選庄會唔會有唔公平、偏心、私相授授之嫌呢?作為選委的現庄，如果有人向你地投訴選委同候選庄叫口號叫得好大聲，都唔知受唔受理好。

第二，叫口號的"唯一性"

上 面都講過，冇錢的情況下，同學要用自己身體去宣傳，不過，係唔係只得一個方法就係叫口號呢?你有把聲，可以RAP，可以唱歌，可以同人打招呼，可以自我介 紹，而唔一定只係叫口號的。我就曾經多次行出入HALL的時候因為你地叫口號而錯失左同我宣傳的機會。又可能因為叫口號叫到把聲收左皮，HALL庄的人洗 樓，只會派傳單，但係我個人坐左係房就一句計都唔同我傾，又唔自我介紹下，叫口號令你地失去左好多宣傳機會，得不償失。

第三，服務對象的問題
請想清楚，叫口號這宣傳方法是唯一的，必須的，上庄要求的，還是宿生要求的?你是服務宿生，還是服務上庄?一座HALL有二百幾三百人，有人要訓八個鐘先得，有人唔洗訓三點幾都仲打緊牌大叫:__你!食糊!有人一個星期都唔落一次樓，有人好似住酒店咁要訓果時先會返房。你叫口號是對那一群人宣傳?
哎，這是傳統嘛!年年都係咁的，傳統到底是什麼呢?世代相傳的東西囉，咁點解要世代相傳呀?因為覺得好囉!到底乜野係好，乜野係唔好，唔係由歷史定斷，而係作為大學生你、你、你、你同你，都應該要自己判斷，好就留，唔好就收，如果你任由無數宿生怒__都唔改，唔聽意見，唔識判斷，對唔住，我唔會為左有人守士多而投比你地信任的一票。