山窮水盡疑無路 柳暗花明又一村

中五時會考只有12分,離開讀了五年的母校,那時感覺十分徬徨,
要去面對新的景況,總是要多點勇氣,多點時間。
現在我很慶幸可以離開母校,去遇見風浪,去遇見我的朋友,正正是「山窮水盡疑無路　柳暗花明又一村」
匯知係一間好好的學校,老師好好,同學好好,學校都好好。
老師好好係因為佢會鬧我,指責我,踩我,侮辱我,摧毀我自信,但我明白愛之深,責之切;
同學好好係因為大家都有自己想法,會挑戰老師,會批判老師,會鬧老師,會鬧我,有自己目標,唔會成舊飯、成條咸魚咁;
學校好好係因為開到九點先趕人走,比我可以溫下書做下野,唔使走黎走去,我亦都好喜歡佢,比到歸屬感我。
我每日係學校多過係屋企,見老師多過見老豆媽咪,老師亦都見我地多過見仔女。


佳哥,記得第一日入匯知就係你in我,你仲恐嚇我。
你自信爆炸,成日都一時一樣,比錯誤資料我,
但因為咁我先會自己搵正確資料,識去批判事物對錯。
又因為你比分好偏心,我先知道要比其他人努力多點先有正常水平。



聾B,我一開學果時唔聽你書做自己野,我覺得都幾對你唔住,
但係你提升左我對文學的興趣,都成日比左好多肯定同鼓勵我,令我有番信心。
我成日笑你似房祖明,又以為你聾聽我唔到,講你壞話,其實我知你對我地好好


達成,好多謝你比機會我做向日葵,真係學到好多野,
令向日葵由一本見到封面已經唔想睇的書仔變做都見得下人的書仔,好有成功感。
係匯萃搞向日葵都令我學到點同正常人同唔正常人合作(笑)



灰熊,我覺得你真係好好笑,就算鬧人都係一樣咁好笑,
你都教曉我好多野,不止書本上的,而是人生上的一點一滴。
睇你作的書,寫的文,說的話,都令我常常對人性人生和自己作出反思。
有時會覺得你好衰,但係因為咁衰先可以考驗到人性真面目。


我所有的柒甲班同學,愛死你地啦


中七的last day,有7A匯知探險團,
有人喊,有人笑,
有人知道來日會相會,有人知道時日無多,
而我們就
冇十一點唔比番屋企。